AUGLÝSINGAR OG TILKYNNINGAR 2007

Friðarganga á Þorláksmessu
Opinn stjórnarfundur 21. nóvember
Opinn félagsfundur
Opnir stjórnarfundir
Peace Boat
Opinn félagafundur 16. maí
Konur sameinast í Venesúela
Alþjóðleg ráðstefna gegn kjarnavopnum
Bandalag hinna staðföstu stríðsandstæðinga
Alþjóðlegur baráttudagur kvenna
Ársfundur MFÍK 2007

AUGLÝSINGAR OG TILKYNNINGAR 2008

European Social Forum
Dagana 17. - 21. september 2008 verður European Social Forum haldið í Malmö í Svíþjóð. Búist er við að meira en 20.000 þátttakendur hvaðanæva úr Evrópu taki þátt í þessum fundi sem haldinn er á vegum ýmissa evrópskra félaga og félagasamtaka sem láta sig þjóðfélagsmál varða. MFÍK - konur láta sig að sjálfsögðu ekki vanta á þennan 
einstæða viðburð. 

8. mars – Alþjóðlegur baráttudagur kvenna fyrir friði og jafnrétti haldinn í Ráðhúsi Reykjavíkur laugardaginn 8. mars kl. 14.00.  
Dagskrá    

Efst á síðu   

AUGLÝSINGAR OG TILKYNNINGAR 2007

FRIÐARGANGA Á ÞORLÁKSMESSU

Íslenskir friðarsinnar standa að blysför niður Laugaveginn á Þorláksmessu. Safnast verður saman á Hlemmi kl. 17.45 
og leggur gangan af stað stundvíslega kl. 18. 
Gangan í ár er sú tuttugasta og áttunda í röðinni. 
Að venju munu friðarhreyfingarnar selja kyndla á Hlemmi 
í upphafi göngunnar.

Í lok göngu verður efnt til fundar á Ingólfstorgi þar sem 
Halla Gunnarsdóttir blaðamaður flytur ávarp en fundarstjóri 
er Þorvaldur Þorvaldsson trésmiður. 
Söngfólk úr Hamrahlíðarkórnum og Kór Menntaskólans við Hamrahlíð syngur í göngunni og við lok fundar.

Ráðlegt er fyrir göngufólk að mæta tímanlega því gangan leggur af stað stundvíslega. Friðargöngur verða einnig haldnar á Akureyri og á Ísafirði.

Efst á síðu

Opinn stjórnarfundur 
verður miðvikudaginn 21. nóvember í Hildibrandshúsi, Garðastræti 13, kl. 17.00.
Á dagskrá er m.a. undirbúningur fyrir bókmenntakynninguna 15. desember.

Efst á síðu

Opinn félagsfundur verður miðvikudaginn 14. nóvember 
kl. 19.00 í Friðarhúsinu (á horni Snorrabrautar og Njálsgötu).  

Alfífa Ketilsdóttir og Halla Gunnarsdóttir
segja frá Íran en þær eru nýlega komnar þaðan.
Léttur kvöldverður verður seldur í upphafi fundar - 
listakokkurinn Rúbý (Veronika S. K. Palaniandy) eldar.

 Fjölmennum og tökum með okkur gesti.

Félagar í Samtökum kvenna af erlendum uppruna (WOMEN) 
eru sérstaklega boðnar velkomnar.

Efst á síðu

Opnir stjórnarfundir
Stjórn MFÍK hefur öðru hvoru boðið félögum að taka þátt í opnum stjórnarfundum. Þetta hefur gefið góða raun og virkjað fleiri félaga. Ætlunin er að bjóða til slíkra funda á ný og verða þeir auglýstir jafnóðum á heimasíðu MFÍK en næsti fundur verður miðvikudaginn 17. október 2007, kl. 17 .00 í Hildibrandshúsi, Garðastræti 13.  

Peace Boat:
Fulltrúi Peace Boat hafði samband við MFÍK vegna hugsanlegrar komu bátsins til Íslands á næsta ári (ágúst 2008). 
Peace Boat býður ungu fólki friðarfræðslu og hefur skipið farið yfir 60 leiðangra um heiminn, sem allir hafa haft það markmið að vekja athygli á og kynna ákveðnar kröfur eins og til dæmis afnám kjarnavopna og markvissari umhverfisvernd á heimsvísu. Von er á fulltrúum Peace Boat til landsins á næstunni og munu þeir þá hitta stjórn MFÍK. Frekari upplýsingar er að finna á: www.peaceboat.org/english

 Efst á síðu

Opinn félagsfundur MFÍK verður haldinn í Friðarhúsinu miðvikudaginn 16. maí 2007 kl. 19.00

Fundurinn hefst með sameiginlegu borðhaldi. 
Listakokkurinn og MFÍK-félaginn Ruby (Veróníka S.K. Palaniandy) mun sjá um matseldina ásamt Ragnhildi Kjeld (þær glöddu bragðlauka friðarsinna á fjáröflunarkvöldverði Friðarhúss í lok apríl þegar færri komust að en vildu). Óhætt er að fullyrða að engum ofsögum er sagt um snilli þessara matgæðinga. 
Bjóðum með vinum sem kunna að njóta að góðs matar í góðum félagsskap. 
Að borðhaldi loknu verður sagt frá þátttöku MFÍK í Ráðstefnu Alþjóðasamtaka lýðræðissinnaðra kvenna sem haldin var í Caracas í Venesúela í apríl. Brugðið verður upp myndbrotum sem sýna m.a. þátt kvenna í þeim byltingarkenndu breytingum sem eiga sér stað í Venesúela og kenndar eru við Símon Bólivar. 

Allir friðarsinnar velkomnir. 
 Efst á síðu

Konur sameinast í Venesúela
Dagana 18.-20. apríl 2007 var haldin heimsráðstefna Alþjóðasambands lýðræðissinnaðra kvenna í Caracas í Venesúela. Fulltrúar MFÍK á þessari ráðstefnu voru María S. Gunnarsdóttir, formaður, Arna Ösp Magnúsardóttir, Áslaug Einarsdóttir og Sigrún Stefánsdóttir. Sagt var frá ferðinni og ráðstefnunni á fjáröflunarkvöldverði í Friðarhúsi þann 16. maí síðastliðinn. 

 Efst á síðu

Alþjóðleg ráðstefna gegn kjarnavopnum í Japan 
MFÍK var boðið að senda fulltrúa til Japan í sumar á alþjóðlega ráðstefnu gegn kjarnavopnum. Því miður barst boðið of seint til að hægt væri að þiggja það. MFÍK hefur verið í sambandi við systursamtökin FUDANREN í Japan og tók meðal annars þátt í undirskriftasöfnun fyrir afnámi kjarnavopna í heiminum sem samtökin stóðu fyrir síðastliðinn vetur.
Undirskriftalistarnir voru afhentir á heimsráðstefna Alþjóðasambands lýðræðissinnaðra kvenna í Caracas í Venesúela dagana 18.-20. apríl 2007. Stefnt er að framhaldi á þessari samvinnu. 
 Efst á síðu

Bandalag hinna staðföstu stríðsandstæðinga
Fjögur ár eru frá innrás Bandaríkjamanna og bandalagsríkja þeirra í Írak, með formlegum stuðningi íslenskra stjórnvalda. Þrátt fyrir ítrekaðar yfirlýsingar ráðamanna Bandaríkjanna um að friður sé að komast á í landinu, er ekkert lát á óöldinni í Írak og sífellt fleirum verður ljóst hvaða hörmungar stríðið hefur kallað yfir írösku þjóðina.

Mánudagskvöldið 19. mars 2007 munu hinir staðföstu stríðsandstæðingar efna til baráttusamkomu í Austurbæ í Reykjavík.  Þar verður hernáminu mótmælt og þess krafist að íslensk stjórnvöld axli ábyrgð vegna hins svívirðilega stuðnings við ólöglegt árásarstríð.

Dagskráin hefst kl. 20
Ávörp flytja:  Guðfríður Lilja Grétarsdóttir og Helgi Hjörvar

Tónlistaratriði:
XXX Rottweilerhundar,
Ólöf Arnalds
& Vilhelm Anton Jónsson

Upplestur:  Bragi Ólafsson

Kynnir:  Davíð Þór Jónsson

Hinir staðföstu stríðsandstæðingar eru:   
Samtök hernaðarandstæðinga
MFÍK
Þjóðarhreyfingin - með lýðræði
Ung vinstri græn
Ungir Jafnaðarmenn

 Efst á síðu

Alþjóðlegur baráttudagur kvenna fyrir friði og jafnrétti.

Opinn fundur fimmtudaginn 8.mars 2007 kl.17 í Tjarnarsal Ráðhúss Reykjavíkur.

Virkjum kraft kvenna
Fundarstjóri: Halldóra Friðjónsdóttir, formaður BHM

Harpa Njálsdóttir, félagsfræðingur
Hvað þarf til að rétta hlut fátækra kvenna?

Ezter Toth, í stjórn Samtaka kvenna af erlendum uppruna 
Friður og jafnrétti á heimilum. 

Halldóra Malín Pétursdóttir, leikkona
sýnir atriði úr einleiknum “Power of Love”.

Guðríður Ólafsdóttir, félagsmálafulltrúi Öryrkjabandalags Íslands 
Jöfnun tækifæra.

Gunnar Hersveinn, heimspekingur
Friðarmenning.

Tónlist:
Áshildur Haraldsdóttir, flautuleikari

María Kristjánsdóttir, leikstjóri
Frelsi til að vera fátækur.

Pálína Björk Matthíasdóttir 
Grameen-banki. 

Ljóðalestur:
Guðrún Hannesdóttir, handhafi Ljóðstafs Jóns úr Vör 2007.

María S. Gunnarsdóttir, form. Menningar- og friðarsamtaka MFÍK 
Jöfnuður - jafnrétti – jafnræði.

Harpa Stefánsdóttir og Ármann Hákon Gunnarsson sýna ljósmyndir í salnum.
 
Efst á síðu

Aðalfundur MFÍK 2007
verður miðvikudaginn 14. febrúar kl.19.00 í Friðarhúsinu (á horni Snorrabrautar og Njálsgötu).
Dagskrá: skýrsla formanns, ársreikningar lagðir fram, stjórnarkjör. 
Stjórn frá síðasta aðalfundi: María S. Gunnarsdóttir, form. , Guðrún Hannesdóttir, varaform., Bergþóra Gísladóttir, ritari, Magnea Björk Valdimarsdóttir, gjaldkeri, Margrét Guðmundsdóttir, Arna Ösp Magnúsardóttir og Anna Sigríður Hróðmarsdóttir meðstjórnendur, Helga Pálsdóttir og Amal Tamimi, varamenn.
Við hvetjum félaga sem vilja í stjórn eða hafa tilnefningar til að hafa samband fyrir aðalfund. 
Félagar - hafið áhrif !

 Efst á síðu